Kadalundi-Vallikunnu

കോഴിക്കോട് - മലപ്പുറം ജില്ലകളുടെ അതിർത്തി പങ്കിടുന്ന കടലുണ്ടി, വള്ളിക്കുന്ന് എന്നീ ഗ്രാമപഞ്ചായത്തുകളിലായി വ്യാപിച്ചുകിടക്കുന്ന കേരളത്തിലെ പ്രഥമ കമ്യൂണിറ്റി റിസർവ് ആണ് കടലുണ്ടി-വള്ളിക്കുന്ന് കമ്യൂണിറ്റി റിസർവ്. പ്രകൃതി കനിഞ്ഞനുഗ്രഹിച്ച ഈ മേഖല ജൈവവൈവിധ്യത്തിന്റെ ഒരു കലവറയാണ്. കടലുണ്ടിപ്പുഴയ്ക്ക് അഴക് ചാർത്തിനിൽക്കുന്ന കണ്ടൽച്ചെടികളും ദേശാടനപ്പക്ഷികളുടെയും മറ്റ് സ്വദേശ പക്ഷികളുടെയും സാന്നിധ്യവും ഇവിടത്തെ പ്രത്യേകതയാണ്. കൂടാതെ അനേകയിനം മത്സ്യങ്ങൾ, ഞണ്ടുകൾ, തവളകൾ, കടലാമകൾ ഉൾപ്പടെയുള്ള വിവിധയിനം ഉരഗങ്ങൾ, സസ്തനികൾ, വിവിധ സസ്യങ്ങൾ എന്നിവയുടെ ആവാസകേന്ദ്രവുമാണിവിടം.